Shfaqja e Boycott (2021)
Hën 2 nën · 19:00
Programi
Çfarë ndodh kur e drejta për të bojkotuar shndërrohet në çështje të debatit ligjor dhe politik?
Me regji të Julia Bacha-s, Boycott trajton valën e legjislacionit kundër bojkotit, të miratuar në disa shtete të SHBA-së, i cili synon individët dhe bizneset që zgjedhin të bojkotojnë Izraelin në përgjigje të shkeljeve të të drejtave të njeriut. Përmes rrëfimeve të tre qytetarëve amerikanë , një avokati në Arizona, një logopedeje në Teksas dhe një botuesi gazete në Arkansas, dokumentari përcjell betejat e tyre ligjore, pasi ata detyrohen të zgjedhin mes bindjeve të tyre politike dhe vazhdimit të ushtrimit të profesionit.
Teksa këta individë i kundërshtojnë ligjet në gjykatë, filmi zbulon pasojat më të gjera të kufizimit të shprehjes politike dhe ngre pyetje thelbësore mbi lirinë e shprehjes, të drejtat dhe liritë civile, si dhe të drejtën për protestë paqësore. Duke ndërthurur përvojat personale me një betejë më të gjerë politike dhe ligjore, Boycott shqyrton rëndësinë e kundërshtimit dhe rolin e veprimit kolektiv në mbrojtjen e të drejtave demokratike.
"Boycott" do të shfaqet si pjesë e nismës "Palestinian Days Around the World"!