The Reason I Jump (2020)

The Reason I Jump (2020) / Shteti: Shtetet e Bashkuara, Mbretëria e Bashkuar / Regjisor: Jerry Rothwell / Kohëzgjatja: 82 min / Gjuha: Anglisht / Titrat: Anglisht, Shqip / Hyrja: FALAS

Ky film shfaqet në bashkëpunim mes Kino ARMATA dhe DokuFest.

Bazuar në librin e Naoki Higashida, një djalë 13-vjeçar autik që nuk flet, ky film gjithëpërfshirës eksploron përvojat e njerëzve autikë në mbarë botën, duke treguar se si ata në spektrin e autizmit jo-verbal përpunojnë të dhënat e tyre mjedisore, të cilat janë të ndryshme për secilin nga personat e prekur.

Regjisori Jerry Rothwell përdor pasazhe të rrëfyera nga libri për të shpjeguar jetën e brendshme të atyre që jetojnë me këtë çrregullim, ndërsa teknikat audio-vizuale përpiqen të përcjellin botën shqisore të autizmit të rëndë. Rothwell gjithashtu ndjek me respekt jetën e përditshme të pesë njerëzve autikë jo-verbalë, filmi i tij lëviz nga Broadstairs në Virxhinia përmes Indisë dhe Sierra Leones, duke treguar se si neurodiversiteti merr forma të ndryshme në kontekste të ndryshme sociale. Të gjitha këto e ndërtojnë një film emocionues dhe të kompletuar që frymëzon dhe edukon, dhe tregon me aftësi se si individët dhe familjet mund të përfitojnë më shumë nga mbështetja e tjerëve dhe nga rregullat politike.

I krijuar në mënyrë të ndjeshme, që provokon mendime dhe në fund të fundit prekëse, The Reason I Jump ofron njohuri rrëfyese për botëkuptimin neurodivers. Rezultati është një dokumentar i fuqishëm që paraqet jetën me sy të freskët.

"Shpresoj se The Reason I Jump mund të inkurajojë një audiencë që të mendojë për autizmin nga brenda, duke njohur mënyra të tjera për të ndjerë botën, herë të bukura dhe herë çorientuese. Shpresoj që filmi t'i çojë audiencën në një udhëtim nëpër mënyra të ndryshme të të parit, duke lënë një ndjenjë të fortë se si bota duhet të ndryshojë për t'u bërë plotësisht gjithëpërfshirëse." - Jerry Rothwell