Mafia dhe Domatet e Kuqe (2014)

Mafia dhe Domatet e Kuqe (2014) / Regjisor: Giulio Manfredonia / Length: 100 min. / Gjuha: Italisht / Titrat: Anglisht / Hyrja: FALAS

Kino ARMATA, hapësira publike në Prishtinë që promovon kulturë alternative dhe dialog shoqëror, ka kënaqësinë të njoftojë për bashkëpunimin me Ambasadën e Italisë në Kosovë në shfaqjen e disa prej punëve më të rëndësishme dhe relevante të autorëve italian para publikut të Prishtinës dhe Kosovës.

Si pjesë e Javës së Gjuhës Italiane në Botë, në Kino ARMATA do të shfaqet filmi "Mafia dhe Domatet e Kuqe" (2014), me regji të Giulio Manfredonia. Filmi do të shfaqet në gjuhën italiane me titra anglisht dhe hyrja është falas.

Filippo ka vite që merret me aktivitete antimafia në jug të Italisë, por e ka bërë këtë nga karrigia e zyrës së tij shumë larg në veri. Kur një kooperative nga Pulia i jepet një fermë e vogël që u konfiskua nga bosi i pamëshirshëm i mafias Sansone, ata nuk arrijnë të vazhdojnë për shkak të bojkoteve të vazhdueshme të mafias dhe Filippo detyrohet të përfshihet aktivisht në terren. I frikësuar, i shqetësuar dhe burokratik pa shpresë, ai nuk do ta ketë të lehtë. Por ai është frymëzuar falë guximit dhe pasionit të anëtarëve të ndryshëm të kësaj kooperativë.