For Sama (2019)

For Sama (2019) / Shteti: Siri, Shtetet e Bashkuara, Mbretëria e Bashkuar / Regjisorë: Waad Al-Kateab, Edward Watts / Kohëzgjatja: 100 min / Gjuha: Arabisht, Anglisht / Titrat: Shqip, Anglisht / Hyrja: FALAS

Ky film shfaqet në bashkëpunim mes Kino ARMATA dhe DokuFest.

Për Sama është një rrëfim në vetën e parë që tregon saktësisht se çfarë do të thotë të jetosh në mes të një zone lufte aktive. E thënë drejtpërdrejt nga një perspektivë femërore, filmi gjithashtu ofron një këndvështrim që rrallë shihet në filma rreth konfliktit. Filmi është prodhuar dhe shkruar nga vetë protagonistja, Waad Al-Kateab, e cila po ashtu bëri regjinë e filmit bashkë me Edward Watts. Filmi fokusohet në udhëtimin e Waad Al-Kateab si gazetare dhe rebele në kryengritjen siriane.

Kur ajo fillimisht fillon të filmojë pa qëllim konfliktin e vazhdueshëm të vendit të saj që rritet vazhdimisht në dhunë dhe kompleksitet, al-Kateab është një studente optimiste, 26-vjeçare e armatosur me asgjë tjetër veçse një celular në Universitetin e Aleppos, duke studiuar për të fituar një diplomë biznesi në 2012. Por ndërsa shpresa ia la vendin kaosit, shkatërrimit dhe krimeve kundër njerëzimit të kryera nga regjimi dhe aleatët e tij, opsionet filluan të dobësohen; revolucioni dukej si një fantazi e largët. E megjithatë, në vend që të largohej si shumë, al-Kateab vendosi të qëndronte pas dhe të luftonte për të ardhmen më të mirë në të cilën ajo besonte.

Kjo është Siria në vitin 2016, me regjimin e Asadit, i mbështetur nga forcat ajrore ruse, duke goditur pa dallim Alepon, duke goditur shtëpi dhe spitale. Waad u zhvendos këtu si studente disa vite më parë, plot shpresë për ndryshim. "Për një kohë kaq të gjatë ne ishim të sigurt se do të fitonim," deklaron ajo, një besim i ndarë nga kolegët aktivistë të kapur në pamjet e celularit të Waad-it.

Kamera e saj kap histori të pabesueshme humbjeje, të qeshurash dhe mbijetese teksa Waad lufton me një zgjedhje të pamundur – nëse do të largohej ose jo nga qyteti për të mbrojtur jetën e vajzës së saj, kur largimi do të thotë të braktisë luftën për liri për të cilën ajo tashmë ka sakrifikuar kaq shumë.

Për Sama bëri histori kur u nominua në katër kategori në çmimet BAFTA, duke e bërë atë dokumentarin më të nominuar ndonjëherë. Filmi u nominua për Çmimin e Akademisë për Filmin më të Mirë Dokumentar në 92th Academy Awards. FOR SAMA u nderua me Çmimin L'Œil d'Or për dokumentarin më të mirë në Festivalin e Filmit në Kanë 2019.