Fusha e Mëllenjave (2018)

Fusha e Mëllenjave (2018) / Regjisore: Arzana Kraja / Kohëzgjatja: 90 min. / Gjuha: Shqip / Titrat: Anglisht / Hyrja: FALAS

Për të shënuar përvjetorin e humbjes së hershme të regjisores Arzana Kraja si dhe European Arthouse Cinema Day 2022, në ditën e cila hapë Muajin e Filmit Evropian në Kino ARMATA mes 13 nëntor - 10 dhjetor si pjesë e projektit të iniciuar në bashkëpunim me Akademinë Evropiane të Filmit, shfaqet filmi Fusha e Mëllenjave (2018) me regji dhe skenar nga Arzana Kraja.

Syla, një ish i burgosur politik i torturuar nga Kosova, e kupton se idealizmi i tij politik i shkatërron jetën. Pas njëzet viteve të jetës së përditshme në Londër, ai kthehet në shtëpi për t'u ballafaquar me të kaluarën e tij të trazuar.

Shfaqja e filmit organizohet në partneritet me Qendrën Kinematografike të Kosovës (QKK) dhe Ministrinë e Kulturës, Rinisë dhe Sportit (MKRS).